「老板，整碗葛菜水黎饮下」
「梁太，点解呢排日日都唔见你黎噶」
「去左日本啊，一落机就即刻跑过黎帮衬啦」
......
系香港九龙城龙岗道噶“陈仔”凉茶铺，经常都会遇到D街坊同老板好似亲人甘倾计，或者，呢D就系无论香港人，抑或系我地佛山人，都好中意噶人情味！
赖生，佛山顺德人，系“陈仔”噶第二代继承人，“陈仔”噶创始人系赖生噶外公，赖生系25岁噶时候就已经落香港帮外公打理凉茶铺，之后就尽得外公噶真传，真正成为“陈仔”噶第二代传人。
无霖过，“陈仔”从第一日开张到而家一开就系72年，如今噶赖生都已经75岁啦，早已两鬓苍白。到底系乜嘢，可以令赖生坚守住凉茶呢个行业甘多年呢？
用赖生赖太噶话讲就系「D街坊饮左我地噶葛菜水，食左我地噶龟苓膏，身体就健健康康，无病无痛，甘可以帮到人噶同时，又可以稳到两餐，我地就好开心噶啦！」
无错，七十年如一日，始终坚持帮人噶理念，以及对出品质量噶严格把关，先可以铸就到今日噶辉煌成就，无论大大小小噶香港明星都系常客，而且上过香港各大报刊头条，接受过好多节目噶采访，甚至有位吖伯不惜每日来回坐4个钟噶车，都净系为左饮一碗葛菜水......
可惜岁月不饶人，赖生年事已高，加上脚患，即使有几唔舍得都好，都要忍痛结业。经营期间有好多人想学师，更有4、5个人出高价话要接手“陈仔”，都比赖生一一拒绝左，因为赖生深知，做街坊生意一定要有爱心，一定要全心全力做好，所以距宁愿选择结业都唔敢冒险让比其他人。
年12月31日结业，当日，非常多噶明星、街坊、顾客都好唔舍得，「有D老街坊一落飞机，就拖住行李箱马上赶过黎，就系想饮最后一碗葛菜水，但系果日好早就卖晒，距地饮唔到，就系度喊晒甘......」讲到呢度，赖太亦都控制唔到自己噶眼泪......
▲赖生和*金姨
眼睇住72年噶心血就甘要失传，*金姨觉得非常可惜，于是距决定，将“陈仔”带翻黎佛山，继续系佛山呢度传承落去。
*金姨，佛山南海人，系赖生噶姨甥女，距之前一得闲就会落香港帮赖生手，所以对于葛菜水同埋龟苓膏噶制作都非常了解，呢一次噶决定，得到左赖生赖太噶肯定，于是乎“陈仔”又继续落系第三代传人——*金姨手入面，正式系陈村落地生根。
将“陈仔”交比*金姨之后，赖生赖太其实并唔系完全放心，所以距地经常都会翻黎陈村，亲自指导，手把手甘教*金姨，所有噶药材、细节、步骤等等都要跟足，绝对唔可以马虎，更加唔可以破坏“陈仔”72年噶美誉。
“陈仔”72年净系做两样嘢，一系葛菜水，二就系龟苓膏。无论系以前九龙城店，抑或系而家噶陈村店，选用噶药材全部都系从香港大药房进货，制作葛菜水同埋龟苓膏所用到噶材料一样都唔可以少。
“陈仔”葛菜水葛菜水其实就系用晒干左噶野葛菜、九肝菜、罗汉果、鸡骨草等十几种药材，先后经过大火、中火、细火以及焗等步骤煲成噶，少一种药材，少一个步骤都唔得，从夜晚8点一直煲到第朝早上6点，悭D功夫都唔掂。
清澈见底，其实味道有点奇怪，咸中带甜，甜完之后又有小小回甘，老少咸宜。
▲加D盐花下火效果更好
一般噶凉茶会偏寒，饮多左会唔好，但系“陈仔”葛菜水唔会，距系经过十几种药材搭配煲成噶，所以就连女性黎M、7个月后噶孕妇都可以饮，就算系日日饮一碗都冇问题。
▲葛菜水功效
“陈仔”龟苓膏龟苓膏系用土茯苓、沙参、玉竹、半枝莲、舌草等二十八种药材，煲足10个钟，再起渣几次，隔干净凝固之后制成噶，前后起码花费两日噶时间。味道唔会好苦，食入口起胶，滑滑溜溜，有好香噶中药味，可以自行随意搭配乌糖浆或者乌糖粉食用。▲乌糖浆和乌糖粉
▲看得见噶精华
▲滑滑溜溜
▲龟苓膏功效陈村呢间“陈仔”，铺头里面所有噶招牌、牌匾、对联、报刊、合照等等，都系*金姨同距老公陈生系香港人肉带翻黎噶，可以系香港摞翻黎噶，都已经全部摞晒，尽量保持翻原貌，甚至系铺头里面噶价格纸，都系由赖生亲笔书写。
▲罗乐林、郭晋安都系熟客
▲金刚同小仪黎做采访
▲甘多年黎噶珍贵资料
▲上过香港各大报刊头条
陈村凉茶铺周街都系，但“陈仔”葛菜水专门店就此一家，做街坊生意，为街坊着想，72年黎一直贯穿住三代人，而家，我地应该为“陈仔”可以继承落去而感觉开心，以后我地净系只需要记住：消暑解毒就搵“陈仔”！
▲有幸同赖生赖太合影
更多更好噶传统，本应该要靠我地继承落去，本应该要靠我地宣扬开去，酋长希望大家可以支持一下“陈仔”，比更多人知道，比更多人受惠。
地点
陈村镇合成社区居民委员会丽花楼1号、2号之三
电话
营业时间
09:30~22:00
文章来源：发现顺德
预览时标签不可点收录于话题#个上一篇下一篇